कार व दुचाकी अपघातात एक ठार तर एक गंभीर जखमी

फलटण: फलटण शहराजवळील धोकादायक अशा रावरामोशी पुलाचे जवळ कार आणि मोटारसायकल यांच्यात धडक होऊन झालेल्या अपघातात एक जण ठार तर एक जण गंभीर जखमी झाला आहे.
गुरूवार दि.14 रोजी सव्वा पाचच्या सुमारास आय 20 कार नंबर एम.एच.42 2530 ही पंढरपूर बाजूकडून फलटण बाजूकडे येत असताना एका मोटरसायकलवरून मोतीराम शंकर शिंदे आणि त्यांच्या पत्नी लता मोतीराम शिंदे हे फलटण बाजूकडून पंढरपूर बाजूकडे जात असताना आय 20 कारने मोटरसायकलला धडक दिल्याने मोटरसायकल वरील मोतीराम शिंदे (रा.पिंप्रद, ता फलटण) हे जागीच ठार झाले आहेत. त्यांच्या पत्नी जखमी झाल्या आहेत. त्याबाबत पुढील तपास पोलीस हवालदार भोईर करीत आहेत. कार चालकाला ताब्यात घेण्यात आले आहे.