उदयनराजे आता सॉरी म्हणून उपयोग काय? शशिकांत शिंदे यांचे उदयनराजेंना रोखठोक उत्तर

सातारा : निवडणूकीनंतर प्रथमच माजी खासदार श्री.छ. उदयनराजे भोसले व माजी आमदार शशिकांत शिंदे यांची एका कार्यकर्त्यांच्या विवाहस्थळी भेट झाली. ही भेट होताच काही अतिउत्साही पत्रकारांनी दोघांनी आश्रू ढाळले, गळाभेट घेतली असे नानाविविध बातम्या पेरल्या त्यावर माजी आमदार शशिकांत शिंदे यांनी हे सर्व खोटे आहे. उदयनराजे मला दोनदा सॉरी म्हणाले त्यावर मी आता सॉरी म्हणून उपयोग काय? असा प्रश्‍न त्यांना केला. एवढीच काय ती भेट होती.
भिवडी गावचा महादेव शेलार म्हणून माझा कार्यकर्ता आहे. त्याच्या लग्नाच्या निमित्ताने मी गेलो असता त्यावेळी उदयनराजे भोसले सुद्धा त्या लग्नाला होते. निवडणुकीच्या नंतर माझी आणि त्यांची कधीच चर्चा नाही, भेट नाही किंवा बोलणे नाही. ते आले त्यावेळी मी तिथे उभा होतो. आल्याबरोबर त्यांनी मला मिठी मारली. सॉरी चुकलो असे दोन वेळा ते म्हणाले. मी त्यावर काही प्रतिसाद दिला नाही. पुढे त्यांना म्हणालो कि तुम्ही स्वत:चे ही नुकसान करून घेतले आणि माझेही केले. 20 वर्षाच्या राजकारणात माणूस कष्ट करून निवडून यायला जातो, आज जर निवडून आलो असतो तर आदरणीय शरद पवार व अजित पवार यांच्या सहकार्यातून व आशीर्वादाने अजून मोठी संधी प्राप्त होत असते. आज त्याला आम्ही मुकलो आहे.
तुम्ही स्वत:चे आणि माझे फार मोठे राजकीय नुकसान केले आहे. त्यामुळे आता सॉरी बोलून फायदा नाही. आता त्यांचा मार्ग वेगळा आहे आणि माझा मार्ग वेगळा आहे. त्यामुळे ज्या अश्रू आले वैगेरे बातम्या आल्या आहेत त्या चुकीच्या आहेत. मी माझ्या पक्षाच्या भूमीकेसोबत ठाम आहे. पक्षाने दिलेल्या जबाबदार्‍या आत्तापर्यंत मी पार पाडत आलो आहे. त्यामुळे अश्रू अनावर झाले असे काहीही नाही त्यांनी त्यांची भावना व्यक्त केली आणि त्यावर मी माझ्या पद्धतीने माझी प्रतीक्रिया व्यक्त केली. एवढ्या पुरतीच ती भेट मर्यादित होती. ती भेट सार्वजनी लग्न कार्यात निवडणुकी नंतर प्रथम झाली. यामध्ये कार्यकर्ते व लोकांचा गैरसमाज होऊ नये यासाठी हे सत्य मी समर आणत आहे. त्यांचा मार्ग वेगळा आहे आणि माझा मार्ग वेगळा आहे. मी शरद पवार व अजित पवार यांचा कार्यकर्ता म्हणून जिल्ह्यात आणि राज्यात काम करत आहे. त्यामुळे कार्यकर्त्यांच्यात गैरसमज होऊ नये असे माजी आमदार शशिकांत शिंदे यांनी प्रसिद्धी पत्रकाद्वारे प्रसिद्ध केले आहे.