Monday, December 1, 2025
Homeठळक घडामोडीवीज वितरण कंपनीसाठी काम करणाऱ्या वीस कामगारांची औंध येथून शनिवारी एसटी गाडीने...

वीज वितरण कंपनीसाठी काम करणाऱ्या वीस कामगारांची औंध येथून शनिवारी एसटी गाडीने भंडारा जिल्हयाकडे रवानगी

औंध(वार्ताहर):- औंंध येथे वीज वितरण कंपनीसाठी काम करणारे सुमारे वीस कामगार शनिवारी सायंकाळी औंध येथून एसटी गाडीने भंडारा जिल्हयाकडे रवाना झाले. मागील दिड महिन्यापासून हेे कामगार कोरोनामुळे सुरू झालेल्या लाँकडाऊन मुळे औंध येथे अडकून पडले होते .सर्व शासकीय कागदपत्रांची पूर्तता झाल्यानंतर त्यांना औंध येथून पाठवण्यात आले.

यावेळी वडूज आगारप्रमुख कुलदीप डुबल,उपसरपंच दिपक नलवडे,संतोष जाधव, संजय शिंदे ,उमेश पाटोळे, सचिन इंगळे आदी प्रमुख मान्यवर उपस्थित होते.

यावेळी बोलताना वडूज आगारप्रमुख कुलदीप डुबल म्हणाले की, खटाव तालुक्याच्या विविध भागात अडकलेल्या परजिल्हयातील तसेच परराज्यातील कामगारांना ,कारागिरांना शासकीय कागदपत्रे ,वैद्यकीय प्रमाणपत्र, जिल्हाधिकारी परवाना मिळाल्यानंतर एसटी विभागामार्फत वीस किंवा पंचवीस प्रवाशांसाठी एसटी उपलब्ध करून दिली जाणार आहे .खटाव तालुक्यातून मायणी येथून राजस्थान साठी पहिली गाडी तर शनिवारी औंध येथून भंडारा जिल्हयासाठी दुसरी एसटी गाडी सोडण्यात आली आहे. तरी एसटी आगाराने सुरू केलेल्या या उपक्रमाचा परजिल्हयात तसेच परराज्यात जाणाऱ्या नागरिकांनी ,परप्रांतीयांनी लाभ घ्यावा असे आवाहन त्यांनी केले.
दरम्यान एसटी विभागाने ही सुविधा उपलब्ध करुन दिल्याने संबंधित कामगारांनी समाधान व्यक्त केले व कोरोनाच्या संकटामुळे दिड महिना ते अडकून पडले होते मात्र एसटीने भंडारा जिल्ह्यातील साकुर्डीकडे रवानगी झाल्याने कधी एकदा कुटुंबियांची भेट होते अशी भावना प्रत्येकाच्या चेहऱ्यावर दिसत होती.
यावेळी एसटी चालक म्हणून नितीन भंडारे व बीरू मदने यांच्यावर रवानगीची जबाबदारी सोपविण्यात आली आहे.दरम्यान जगदंबा काँलनीतील युवकांनी या एसटी गाडीवर सुरक्षिततेसाठी सँनेटायझर फवारणी केली त्यामुळे एसटी अधिकारी,ग्रामस्थ, कामगारांनी समाधान व्यक्त केले.

 

Chandrasen Jadhav
Chandrasen Jadhavhttp://GramodhharNews.com
Continuing family legacy of Dainik Gramodhhar Chandrasen Jadhav has been associated with it since last 6 years. He is the Chief Editor & looks after Online News Edition of GramodhharNews.com operated from Satara.
RELATED ARTICLES
- Advertisment -

Most Popular