सातारा दि. 12 : कृष्णा मेडिकल कॉलेज, कराड येथे बाधित रुग्णाचा निकट सहवासित 52 वर्षीय पुरुष कोरोना बाधित (कोविड-19 ) असल्याची माहिती जिल्हा शल्यचिकित्सक डॉ. आमोद गडीकर यांनी दिली.
आज सकाळी खटाव येथील एक जण ठाण्यातुन गावी आलेला रुग्ण कोरोना बाधित सापडला होता तर कराड येथील एक बाधितच्या निकट सहवासीताचा कोरोना बाधित रिपोर्ट आला होता , त्यानंतर आता संध्याकाळी कराड येथीलच एकाचा रिपोर्ट कोरोना बाधित आला . . आज दिवसभरात असे तीन जणांचे रिपोर्ट पॉझिटिव्ह आले
47 जणांचे अहवाल आले निगेटिव्ह
क्रांतीसिंह नाना पाटील सर्वसाधारण रुग्णालय, सातारा येथील 3, वेणूताई चव्हाण उपजिल्हा रुग्णालय, कराड येथील एक, कृष्णा मेडिकल कॉलेज कराड येथील 22 व उपजिल्हा रुग्णालय फलटण येथील 21 असे एकूण 47 जणांचा अहवाल निगेटिव्ह आले असल्याचे जिल्हा शल्यचिकित्सक डॉ. गडीकर यांनी कळविले आहे.
89 जणांना केले विलगीकरण कक्षात दाखल
क्रांतीसिंह नाना पाटील सर्वसाधारण रुग्णालय, सातारा येथे 43, कृष्णा मेडिकल कॉलेज, कराड येथे 22, ग्रामीण रुग्णालय वाई येथे 7, व कोरेगांव येथे 17 असे एकूण 89 जणांना विलगीकरण कक्षात दाखल करण्यात आले आहे. या सर्वांच्या घशातील स्त्रावांचे नमुने बी.जे. वैद्यकीय महाविद्यालय, पुणे येथे तपासणीसाठी पाठविण्यात आले आहेत, अशी माहितीही जिल्हा शल्यचिकित्सक डॉ. गडीकर यांनी दिली.
जिल्ह्यात आतापर्यंत कोरोना बाधित झालेल्या व्यक्तिंची संख्या- 122 झाली असून या पैकी उपचार घेत असलेले बाधीत रुग्ण (कोविड-19)- 84, कोरोना मुक्त होवून घरी गेले रुग्ण- 35, कोरोना बाधित मृत्यु झालेले 2 रुग्ण आहेत.
