सातारा : वेणूताई चव्हाण उपजिल्हा रुग्णालय कराड येथील एका आरोग्य कर्मचारी जी जी राधिका रोड येथील गार्डन सिटी येथे राहत होती ,ती जिल्हा रुग्णालय, सातारा येथे उपचार घेत होती. तसेच मुंबईवरून आलेला प्रतापगंज पेठेतील युवक ही कोरोना मुक्त होऊन त्यांना आज घरी सोडण्यात आले. सह्यादी रुग्णालय, कराड येथील 2, यांचे निगेटिव्ह रिपोर्ट आल्यामुळे या चौघांना आज रुग्णालयातुन सोडण्यात आले अशी माहिती जिल्हा शल्यचिकित्सक डॉ. आमोद गडीकर यांनी दिली आहे.
127 जणांचा अहवाल निगेटिव्ह
तसेच क्रांतीसिंह नाना पाटील सर्वसाधारण रुग्णालय, सातारा येथील 52, वेणूताई चव्हाण उपजिल्हा रुग्णालय कराड येथील 64 असे एकूण 116 जणांचे अहवाल निगेटिव्ह आल्याचे बी. जे. वैद्य’कीय महाविद्यालय , पुणे यांनी कळविले आहे. तसेच कृष्णा मेडिकल कॉलेज, कराड येथे तपासणी करण्यात आलेल्या 11 संशयितांचे नमुने निगेटिव्ह आल्याचे कळविले आहे, असे एकूण 127 जणांचे अहवाल निगेटिव्ह आले आहेत.
83 जण विलगीकरण कक्षात दाखल
क्रातीसिंह नाना पाटील सर्वसाधारण रुग्णालय, सातारा येथे 8, वेणूताई चव्हाण उपजिल्हा रुग्णालय कराड येथे 75 असे एकूण 83 जणांना विलगीकरण कक्षात दाखल करण्यात आले आहे. या सर्वांच्या घशातील स्त्रावांचे नमुने बी. जे. वैद्यकीय महाविद्यालय, पुणे येथे तपासणीसाठी पाठविण्यात आल्याची माहितीही जिल्हा शल्यचिकित्सक डॉ. गडीकर यांनी दिली.
