माझ्यावरील केलेले आरोप धांदात खोटे आणि निराधार :- आरोग्य सभापती धनंजय जांभळे

सातारा:-  मला समाजसेवा करण्याचा नाद आहे, छंद आहे म्हणून मी समाजसेवा करतो. समाजसेवा करत असताना माझ्याकडून कोणाचीही कधीही फसवणूक झाली नाही. जे माझ्यावर जे आरोप केलेले आहेत, ते धांदात खोटे आणि निराधार आहेत, असे स्पष्टीकरण आरोग्य सभापती धनंजय जांभळे यांनी पत्रकाद्वारे दिलेले आहेत.
त्यांनी दिलेल्या पत्रकात नमूद केले आहे की, माझ्यावर केलेल्या आरोपात कोणतेही तथ्य नाही. निवडणूकीच्या शपथपत्रात प्रॉपर्टीची माहिती दडवली असा त्यांनी आरोप केला आहे. ती मालमत्ता वडिलोपार्जित आहे. ती दडवण्याचा काहीही काडीमात्र संबंध येत नाही. तसेच कचरा डेपो बाबत आरोप केलेले सुद्धा निरर्थक आहेत.. माझ्या विभागाचे कसलेही ऑडीट करावे, त्याला मी चोवीस तास तयार असेही जांभळे यांनी नमूद केले आहे.