बिल्डर्स असोसिएशन ,सातारा शाखेतर्फे मंथन कार्यशाळेचे आयोजन

सातारा ः बिल्डर्स असोसिएशन ऑफ इंडिया सातारा  शाखेने मंथन या एकदिवसीय कार्यशाळेला सुरूवात करून या वर्षी 20 वर्षे पूर्ण झाली आहेत. सातारा , कोल्हापूर, सांगली, सोलापूर जिल्ह्यातील  बांधकाम व्यावसायिक, बिल्डर्स-डेव्हलपर्स, सुपरवायजर्स, आर्किटेक्टस्, इंजिनिअर्स मंथन कार्यशाळेचा लाभ घेतात. बांधकाम क्षेत्रातील विविध विषयांवर या कार्यशाळेत विचार मंथन होत असते यामध्ये बांधकाम क्षेत्रातील नवनवीन संकल्पना, गोष्टी, बदलते तंत्रज्ञान, बांधकाम क्षेत्रातील समस्या व बांधकाम विश्‍वाशी निगडीत अशा अनेक गोष्टींची माहिती सदस्यांना करून दिली जाते.  बिल्डर्स असोसिएशन ऑफ इंडिया सातारा शाखेच्या वतीने मंथन 2018 या एकदिवसीय कार्यशाळेचे आयोजन  गुरूवार दि. 15 फेब्रुवारी 2018 रोजी सकाळी 9 ते दुपारी 4.30 या वेळेत करण्यात आले आहे. मंथन कार्यशाळेचे आयोजन यशोदा टेक्निकल कॅम्पस वाढे येथे करण्यात आले आहे.
मंथन 2018 या कार्यशाळेत डॉ. अजय गिरीधारीलाल चांडक हे एनर्जी कॉन्झरवेशन बिल्डींग कोड या विषयावर माहिती देणार आहेत. डॉ. अजय चांडक हे पुणे विद्यापीठातून अभियांत्रिकी पदवी, आय.आय.टी., मुंबई येथून एम.टेक, इंदूरहून डॉक्टरेट (सोलर), सर्टिफाईड एनर्जी ऑडिटर म्हणून काम करित आहेत.
याच बरोबर मंथन 2018 मध्ये उमेश जोशी हे बदललेले आय. एस. कोड या विषयावर माहिती देणार आहेत. तसेच कमलेश वैद्य हे मंथन 2018 मध्ये मायवन शटरींग याबद्दल माहिती देणार आहेत. याचबरोबर श्री. सागर मालवी हे होम अ‍ॅटो मायजेशन यावर माहिती देणार आहेत.  याचबरोबर बिल्डर्स असोसिएशनचे नॅशनल ट्रस्टी  विजय देवी हे पण मार्गदर्शन करणार आहेत.
बिल्डर्स असोसिएशन सातारा शाखेतर्र्फे आत्ता पर्यंत इस्टीमेशन, काँक्रीट मिक्स डिझाईन, रेट अ‍ॅनलिसीस व क्वॉन्टीटी सर्व्हे, भूकंप-शोध आणि बोध, प्लंबिग, सॅनिटेशन व इलेक्ट्रिफिकेशन, आव्हाने नव्या युगातील, बांधकाम आणि मार्केटिंग, बांधकाम क्षेत्रातील नवसंकल्पना उत्पादने आणि तंत्रज्ञान, साईट वरील अपघात शोध आणि बोध, बदलत्या काळात, व्यक्तिमत्व विकास व प्रकल्प नियोजन, हेरिटेज टुरिझम व विद्युत या विविध विषयांवर मंथन कार्यशाळेचे 1997 पासून यशस्वी आयोजन केले आहे.
बिल्डर्स असोसिएशनचे मेंबर्स नसलेले परंतु बांधकाम क्षेत्राशी निगडीत असलेले लोक तसेच अभियांत्रिकी महाविद्यालयातील विद्यार्थी व बिल्डर्स असोसिएशनचे मेंबर्स या कार्यशाळेत सहभागी होऊ शकतील. तरी मंथन 2018 कार्यशाळेला मोठया संख्येन उपस्थित राहून नवनवीन विषयांची माहिती करून घ्या असे आवाहन बिल्डर्स असोसिएशन ऑफ इंडिया सातारा शाखेतर्फे करण्यात आले आहे.