खटाव बंदला शंभर टक्के प्रतिसाद

खटाव  ( सौ. नम्रता भोसले ) : जिहे–कटापूर पाणीप्रश्नी शिवसेना, राष्ट्रवादी व राष्ट्रीय काॅग्रेस यांनी पुकारलेल्या खटाव तालुका बंदला खटावध्ये शंभर टक्के प्रतिसाद मिळाला.

यावेळी खटावमधील मुख्य बाजारपेठेसह गावातील सर्व दुकाने बंद होती. या बंदला येथील व्यापा-यांनी प्रतिसाद दिला. यावेळी कोणताही अनुचित प्रकार घडला नाही. यावेळी शिवसेना व राष्ट्रवादीच्या कार्यकर्त्यानी सर्कल अधिकारी पाटील यांना जिहे–कटापूर उपसासिंचन योजना मार्गी लावावी यासाठी निवेदन दिले.
यावेळी राष्ट्रवादी काॅग्रेसचे जि.प सदस्य प्रदिप विधाते यांनी जिहे–कटापूर पाणी योजना खटाव तालुक्याला वरदान ठरणार असल्याचे सांगत या प्रश्नावर सर्वांनी पक्षीय मतभेद बाजूला ठेऊन एकत्र यायला हवे तरच या तालुक्याच्या कायापालट होईल असे सांगितले. तर शिवसेनेचे आमिन आगा यांनी जिहे–कानपूर योजनेमुळे 27500 हेक्टर क्षेत्र ओलीताखाली येणार आहे. युतीच्या काळात मंजूर झालेली योजना तातडीने पूर्ण करण्यात यावी असे सांगितले.
यावेळी रमेश शिंदे, मुगूटराव पवार, दिलीप जाधव, तानाजी माने, किरण राऊत, शैलेश कांबळे, राहूल शिंदे, रसूल मुल्ला, ग्रामस्थ उपस्थित होते.