शुभविवाह, धार्मिक संस्कार हे पुस्तक नव्हे तर संस्कारांची शिदोरी:डॉ. दत्तप्रसाद दाभोलकर शुभविवाह..एक संस्कार.. या पुस्तकाचे प्रकाशन उत्साहात संपन्न

सातारा ः भारतीय संस्कार परंपरेत एकुण 16 संस्कार सांगितले आहेत, त्यात विवाहाला अनन्यसाधारण महत्व आहे.आपल्या पूर्वजोंनी पुर्ण ंविचार करुनच या विवाह विधीची योजना केली , हे विचार समजून घेतले तर प्रत्येकाचे वैवाहिक जीवन हे आनंददायी होईल याच उद्दात हेतुने कौशिक प्रकाशनच्या वतीने निर्माण केलेले पुस्तक हे संस्कारंाची शिदोरी आहे. असे उदगार ज्येष्ठ शास्त्रज्ञ,विचारवंत,समीक्षक आणि लेखक डॉ. दत्तप्रसाद दाभोलकर यांनी काढले.
सातारा येथील प्रतापसिंह उद्यानातील ज्येष्ठ नागरिक भवनात झालेल्या अरुण गोडबोले यांच्या कौशिक प्रकाशनचे वतीने ..शुभविवाह..एक संस्कार.. या पुस्तकाचे प्रकाशन सोहळयात डॉ. दाभोलकर बालत होते.याप्रसंगी अरुण गोडबोले,ज्येष्ठ नागरिक संघाचे अध्यक्ष रामभाउ जाधव, उपाध्यक्ष सुधीर धुमाळ, माजी नगराध्यक्ष डॉ.अच्युत गोडबोले आदींची व्यासपीठावर प्रमुख उपस्थिती होती.
कार्यक्रमाची सुरुवात आपल्या प्रास्ताविक भाषणातून करताना अरुण गोडबोले म्हणाले की,सातारा येथील वेदमूर्ती शंकरशास्त्री दामले आणि वेदमूर्ती विवेकशास्त्री गोडबोले यांच्या सखोल मार्गदर्शनातून हे आगळे वेगळे पुस्तक निर्माण झाले आहे. या पुस्तकाचेसंकलन व संपादन डॉ. सौ.अनुराधा व डॉ.अच्युत गोडबोले यांनी केले. आहे. प्रत्येक वधु वरांनी हे पुस्तक वाचून आपल्या धार्मिक संस्कारांचे महत्व काय आहे हे समजून घेतल्यास व तसे वागल्यास त्यांचे दाम्पत्यजीवन एकमेकांना समजुन घेत सर्वार्थाने सफल संपन्न होइंल या उदात्त हेतूनेच या पुस्तकाची निर्मिती करण्यात आली आहे. पॉकेट साईज अश्या छोटेखानी स्वरुपातील पुस्तकात विविह विधीतील विवाहापुर्वीचे ग्रहमख,मुहूर्तमेळ, घाणा, हळदी,देवदेवक, सीमांतपूजन, वाडनिश्‍चय,रुखवत, गौरीहर, मंगलअक्षता, मधूपर्क, कन्यादान, कंकणबंधन, मंगलसूत्र, विवाह होम, पाणि ग्ऱहण, सप्तपदी, एैरणीदान, सूनमुख, लक्ष्मीपुजन, गृहप्रवेश आदी प्रकारचे पवित्र सुंदर व लालित्यपूर्ण विधींची माहीती यात दिली आहे. केवळ नाममात्र 15 रुपयात हे पुस्तक आपण सर्वानी स्वत: चे घरी ठेवावे व या संस्नरंाची माहिती क रुन घ्यावी असे आवाहन यावेळी करण्यात आले. समारंभाचे सुत्रसंचालन सुधीर धुमाळ यांनी केले.तर आभार डॉ. अच्युत गोडबोले यांनी मानले. समारंभास माजी प्राचार्यं पुरुषोत्तम शेठ,प्रा. श्रीधर साळूंखे,कवी आनंदा ननावरे, गौतम भोसले, वाय.के. कुलकर्णी ,विजय रणदिवे, सुभाष देशमुख,अविनाश लेवे सर,ज्येष्ठ नागरिक संघाचे सदस्य आदींची मोठी उपस्थिती होती.