सप्तसूर हौशी गायकांच्या ग्रुपच्या वतीने पूरग्रस्तांना 41 हजारांची मदत

सातारा ः सातारा शहरातील हौशी गायकांच्या सप्तसूर ग्रुपच्या वतीने संगीत रजनी कार्यक्रमाचे आयोजन पूरग्रस्तांच्या मदतीसाठी केले होते. सदर कार्यक्रमाच्या माध्यमातून रू. 41,111/- जमा झाले होते. सदरची रक्कम सप्तसूर ग्रुपच्या वतीने जिल्हाधिकारी श्वेता सिंघल यांचेकडे पूरग्रस्तांच्या मदतीसाठी सुपुर्द करण्यात आली. समाजाचे आपण देणे लागतो या हेतूने सप्तसूर हौशी गायकांच्या वतीने सदरची रक्कम मुख्यमंत्री पुरग्रस्त निधीसाठी देण्यात आली आहे. यावेळी सप्तसूरचे हौशी गायक डॉ. सुधाकर बेंद्रे, डॉ. सुनिल पटवर्धन, तात्या साळुंखे, विजय साबळे, धीरेंद्र राजपुरोहित, प्रकाश सावंत, विजय मोरे, गणेश राजोपाध्ये, सचिन शेरकर, श्री. शेठ सर, सुधीर चव्हाण, चंद्रशेखर बोकील व अन्य उपस्थित होते.