यशवंतराव चव्हाण विद्यालय विज्ञान प्रदर्शनात सहाय्यक गटात प्रथम

मसूर: आदर्श विद्यामंदिर विंग येथे नुकतेच 45वे तालुकास्तरीय विज्ञान संपन्न झाले या प्रदर्शनात यशवंतनगर (ता.कराड) येथील सहयाद्री शिक्षण संस्थेच्या यशवंतराव चव्हाण विद्यालयाचे प्रयोगशाळा सहाय्यक पवार एस.ए. यांच्या उपकरणास प्रथम कमांक मिळाला. सलग 10 व्या वर्षी त्यांनी प्रथम क्रमांक प्राप्त केला आहे. त्यांनी अध्यापनामध्ये वापरले जाणारे बहुउद्देशीय सूक्ष्मदर्शीका हे उपकरण सादर केले होते.
त्यांनी मिळवलेल्या या यशाबद्दल संस्थेचे अध्यक्ष व कराड उत्तरचे आमदार बाळासाहेब पाटील, संस्था सदस्य, सचिव व्ही.एम.पोळ, मुख्याध्यापक एम.डी. चव्हाण, पर्यवेक्षक एस.बी. जाधव, शिक्षक, शिक्षकेतर कर्मचारी यांनी अभिनंदन केले. जेष्ठ लिपीक पी.व्ही. पाटील यांनी त्यांचा सत्कार केला.