पाटण:- देशासह राज्यात कोरोनाचा प्रसार वाढत असताना पंतप्रधान नरेंद्र मोदी व मुख्यमंत्री उध्दव ठाकरे यांनी ३ मे पर्यंत लौकडाऊन वाढवण्याचे कालच जाहीर केले आहे. या प्राश्वभुमिवर सातारा जिल्हाधिकारी यांनी लौकडाऊन काळातील अत्यावश्यक बाबीसाठी लागू केलेल्या सुधारित वेळापत्रका नुसार सकाळी ८ ते ११ या मर्यादीत वेळेत पाटण शहरात मोठ्या प्रमाणात गर्दी होताना दिसते. तर सोशल डिस्टनसिंगचा फज्जा उडालेला दिसतो. या तीन तासाच्या मर्यादीत वेळेत बदल करून ग्रामीण भागातील लोकांना अत्यावश्यक सुविधा सहज उपलब्धेसाठी काही ठोस निर्णय घेण्याची मागणी लोकांच्यातून होत आहे.
पाटण शहराच्या आसपासच्या ग्रामीण भागातील नागरीकांची किराणा, धान्य दुकाने, बैंका येथे मोठ्या प्रमाणात गर्दी होताना दिसते. तर लांबलचक रांगा लागलेल्या दिसतात. यामध्ये कोठेही सोशल डिस्टींगशन पाळले जात नाही. या वेळेतील गर्दीमुळे ११ वाजेपर्यंत कामे नाहीच झाली तर ग्रामीण भागातील लोकांना रिकाम्या हाताने परत जावे लागते. दुसऱ्या दिवशी पुन्हा तीच गर्दी दिसते. यामुळे ग्रामीण भागातील लोकांना नाहक त्रास सहन करावा लागतो. या लोकांना अत्यावश्यक सुविधा सहज उपलब्धेसाठी काही ठोस निर्णय होण्याची मागणी होत आहे.
सातारा जिल्हाधिकारी यांनी लौकडाऊन काळातील सुधारित वेळापत्रक जाहीर करताना किराणामाल, धान्य दुकान, मेडीकल, पशुखाद्य व शेतीविषयक दुकाने सकाळी ८ ते ११ सायंकाळी ७ ते रात्री ९ या वेळेत तर तसेच राष्ट्रीय बैंकासह, सहकारी, खाजगी बैंका, सोसायटी यांच्यासाठी सकाळी ८ ते ११ या वेळा निर्धारित केल्या आहेत. सकाळी ८ ते ११ ही वेळ अत्यावश्यक बाबीसाठी ग्रामीण भागातील लोकांना सोयीची वाटत असल्याने या वेळेत मोठ्या प्रमाणात शहरात गर्दी होताना दिसते. सकाळची वेळ मर्यादित असल्याने ग्रामीण भागातील लोक सकाळी ७ वा. येवून दुकाने बैंका येथे येवून नंबर लावत आहेत. सकाळच्या वेळेस झालेल्या गर्दीत कोणत्याही प्रकारचे सोशल डिस्टनसिंग पाळले जात नाही. या तीन तासात लोकांची बैंक, दुकान, बाजार खरेदी हि कामे होत नाहीत. ११ वाजता दुकाने बंद झाले की अनेक लोकांना रिकाम्या हाताने परत जावे लागते. यामुळे दुसऱ्या दिवशी पुन्हा गर्दी होत आहे. अपुरी पोलिस यंत्रणा, प्रशासन अशा वेळी सगळीकडे लक्ष देऊ शकत नाही. याचा त्रास सर्वांना होताना दिसतो.
गर्दीवर नियंत्रण आणन्यासाठी व सर्वांच्या सुरक्षतेसाठी सोशल डिस्टन्स ठेवण्यासाठी लोकांच्यातुनच एक प्रयाय असा पुढे येत आहे. पाटण शहरात प्रत्येक गणेशोत्सव मंडळात पोलिस मित्र कार्यकर्ते आहेत. प्रत्येक मंडळातील किमान पाच कार्यकर्त्यांना शहरातील मुख्य – मुख्य ठिकाणी म्हणजे बैंका, किराणामाल दुकाने, बाजार रस्ते याठिकाणी स्वयंसेवक म्हणून कार्यरत केलेतर केले तर.. प्रशासन व पोलीस यंत्रणा वरील ताण कमी येईल व सोशल डिस्टींगशन पाळुन गर्दी नियंत्रणात ठेवता येईल. यासाठी पोलिस व प्रशासन यंत्रणेकडून गणेशोत्सव मंडळांना प्रोत्साहित करणे गरजेचे आहे. तरच आपण कुठे सर्व सुरक्षित राहू शकतो.
ग्रामीण भागातील लोकांना एका हेलपाट्यात कामे होण्यासाठी सकाळची ८ ते ११ हि वेळ मर्यादित असुन एका कामासाठी त्यांना एक – दोन हेलपाटे पाटण शहरात मारावे लागतात. यासाठी आठवड्यातून केवळ तीन दिवस एक दिवसा आड म्हणजे – सोमवार, बुधवार आणि शनिवारी हे तीन दिवस अत्यावश्यक सेवा सुरु ठेवल्यास आलेल्या लोकांची गैरसोय होणार नाही. एका हेलपाट्यात कामे होतील आणि गर्दी ही होणार नाही. तर मंगळवार, गुरवार, शुक्रवार आणि रविवार हे चार दिवस पुर्ण १०० टक्के बंद करून लौकडाऊन केले तर कोरोना हद्दपार करण्यास जादा दिवस लागणार नाहीत. असे बोलले जात आहे.
