सातारा, दि. 17 (जिमाका) : उच्चस्तरीय संनियंत्रण समिती (महाबळेश्वर पाचगणी इको सेन्सोटिव्ह झोन समितीची) दुसरी बैठक नुकतीच दरबार हॉल, राजभवन, महाबळेश्वर येथे संपन्न झाली. बैठकीत घनकचरा व्यवस्थापनाबाबत महाबळेश्वर व पाचगणी नगरपालिका व महबळेश्वर –पाचगणी शहरांलगतच्या ग्रामपंचायतींनी प्रभावी अंमलबजावणी करावी . घनकचऱ्याचे वर्गीकरण करावे. ग्रामपंचायत स्तरावर डंम्पिंग ग्राऊंड उपलब्ध नसल्याने सध्या ग्रामपंचायतींनी सुका कचरा नगरपालिकांच्या अधिकृत डंम्पिंग ग्राऊंड मध्ये कचरा टाकावा . महाबळेश्वर – पाचगणी इको सेन्सेटिव्ह झोन प्लॅस्टीक मुक्त व्हावा या उद्देशाने नगरपालिकेने व वन विभागाने प्लॅस्टीक बंदीबाबत प्रभावी जनजागृती करावी . वन विभागाने पर्यटकांसाठी ठिकठिकाणी वॉटर एटीएम युनिट बसवावेत. पोलो ग्राऊंडचा वापर अन्य कोणत्याही कारणासाठी करता येणर नाही. वाहतुक नियंत्रीत करण्यासाठी तसेच वाढीव पार्किग व्यवस्था निर्माण करण्यासाठी महाबळेश्वर व पाचगणी नगरपालिका व पोलीस खात्याने ट्रॅफिक प्लॅन (वाहतुक आराखडा ) व पार्किग आराखडा तयार करावा. यावेळी महाबळेश्वर येथील लॉडविक पॉईट ते जावली गाव ते प्रताप गड महाप्रताप केबल कार नियेजित प्रकल्पाचे सादरीकरण्सं बंधित संस्थेमार्फत करण्यात आले . तसेच समितीपुढे प्राप्त झालेले विविध परवानगीचे अर्ज तसेच अन्य दैनंदिन अर्ज, निवेदने याबाबत चर्चा करुन निर्णय घेणेत आले अशी माहिती उच्चस्तरीय संनियंत्रण समितीचे अध्यक्ष डॉ. अंकुर पटवर्धन व सदस्य सचिव डॉ.कैलास शिंदे, मुख्य कार्यकारी अधिकारी , जिल्हा परिषद सातारा यांनी दिली . या बैठकीसाठी जिल्हा व तालुकास्तवरील सर्व संबंधित यंत्रणांचे अधिकारी उपस्थित होते.
