सातारा :- शाहुनगर येथील आमराई कॉलनी तील शिवालय या अपार्टमेंटमध्ये दिवसाचे वेळेत एका बंद घराचे कुलूप तोडून एका अज्ञात चोरटयाने सदर घरामध्ये चोरी करून सोन्याचे दागिने चोरी केले होते. सदर झाले चोरीबाबत सातारा शहर पोलीस ठाणेस तक्रार दाखल होती.
मा.पोलीस अधिक्षक साो, श्री. निखील पिंगळे, मा. अप्पर पोलीस अधिक्षक श्रीमती डॉ. वैशाली कडूकर, मा. उपविभागिय अधिकारी सातारा विभाग सातारा श्री. राजीव नवले मा.वरीष्ठ पोलीस निरीक्षक श्री. सचिन म्हेत्रे यांचे मार्गदर्शनाखाली सातारा शहर डी.बी. पथक सदर आरोपीचा शोध घेत होते. सदर आरोपी बाबत माहिती घेत असताना तांत्रिक माहितीचे आधारे एका संशयित आरोपीचे नाव समजून आले. तो चोरटा असल्याने व त्याचा निश्चित राहण्याचा ठाव ठिकाणा नसल्याने त्याचे शोधासाठी पोलीस विविध ठिकाणाहून माहिती प्राप्त करीत होते. परंतू आरोपीबाबत निश्चीत माहिती मिळून येत नव्हती. सातारा शहर डी.बी. पथकाचे एक पथक दोन दिवसापासून त्याचे मागावार होते. सदरचा चोरटा पहाटेच्या सुमारास चारचाकी वाहनाने जात असताना डी.बी. पथकाने त्यास थांबवण्याचा प्रयत्न केला. त्यावेळी डी.बी. पथकाने त्याचा पाठलाग करून त्यास पकडून ताब्यात घेतले. त्यास पोलीसांनी अटक करून मा. हु” कोर्टामध्ये हजर केले असता त्याची पोलीस कस्टडी रिमांड मिळाली होती. सदर रिमांडमध्ये त्याने सदरचा गुन्हा केलेची कबूली दिलेली आहे. सदर चोरटयाकडून गुन्हयातील चोरीस गेलेला सोन्याचा मुददेमाल, गुन्हा करतेवेळी वापरलेले वाहन, मोबाईल फोन असा एकुण 13,01,500/- रूपये किंमतीचा ऐवज जप्त करण्यात आलेला आहे.सदरचा अटक आरोपी हा बिल्किंट डिलेव्हरी बॉय असून डिलेव्हरी देते वेळी बंद घरे हेरुन घरफोडी करत असल्याचे तपासात निष्पन्न झाले आहे.
सदरची कारवाई मा.पोलीस अधिक्षक साो, निखील पिंगळे, मा. अप्पर पोलीस अधिक्षक श्रीमती डॉ. वैशाली कडूकर, मा. उपविभागिय अधिकारी सातारा विभाग सातारा श्री. राजीव नवले, मा. वरीष्ठ पोलीस निरीक्षक श्री. सचिन म्हेत्रे यांचे मार्गदर्शनाखाली डी.बी. पथकाचे पोलीस उपनिरीक्षक श्री. सुधीर मोरे, पो.हवा. निलेश यादव, निलेश जाधव, विक्रम माने, प्रविण कडव, पो.ना. पंकज मोहिते, पो.कॉ.तुषार भोसले, सागर गायकवाड, सुहास कदम सचिन रिटे, संतोष घाडगे, मच्छिंद्रनाथ माने, आशिकेष डोळस, वैभव माने, सुशांत कदम, सचिन आदमाने यांनी तसेच सायबर विभागाचे अंमलदार प्रशांत मोरे, रामदास भास्करवाड यांनी केलेली आहे .
आरोपीचे नाव :-
ओंकार नरेश बाबर वय 30 वर्ष राहणार सध्या दिव्य नगरी पार्टे कॉर्नरच्या पाठीमागे शाहूपुरी, सातारा
मूळ राहणार उडतारे तालुका वाई जिल्हा सातारा
