फलटण: महाराष्ट्रातील भाजपा सरकारने सत्तेवर आल्यापासून ओबीसींना दिल्या जाणार्‍या सोयी,सवलती आणि आरक्षण विविध मार्गाने कमी करून ते संपवून टाकण्याचे षडयंञ सुरू केले आहे. त्याचा मोठ्या प्रमाणात फटका विविध क्षेत्रात शिक्षण घेणार्‍या विद्यार्थ्यांना,नोकरीच्या साठी प्रयत्न करणारे तरूणांना बसत आहे. या ओबीसींवरील अन्यायाचा विरोधात सातारा जिल्हा ओबीसी संघटना आणि समविचारी संघटनांच्या वतीने आज मोर्च्या काढून फलटण तहसिलदार यांना निवेदन देण्यात आले.
या निवेदनात शिक्षण व शासकीय नोकर्‍यामध्ये ओबीसी समाजाला लोकसंख्येच्या प्रमाणात आरक्षण द्यावे. आरक्षण पदोन्नतीमध्ये लागू करावे.ओबीसी समाजाचा शैक्षणिक स्तर उंचावण्यासाठी जिल्हास्तरावर निवासी शाळांची स्थापना करण्यात यावी.शासकीय ओबीसी वसतीगृह सुरू करावी, सहकार क्षेत्रात ओबीसी आरक्षण लागू करावे,स्थानिक स्वराज्य संस्थाप्रमाणे लोकसभा, विधानसभासाठी ओबीसींना स्वातंत्र्य मतदार संघ ठेवावेत,ओबीसी भूमिहीनांना शासकीय जमीन वाटप करावे,खाजगी औद्योगिक क्षेत्रात ओबीसीसाठी आरक्षण लागू करावे आदी मागण्या निवेदनात करण्यात आल्या आहेत.
यावेळी सातारा जिल्हा ओबीसी संघटना जिल्हा अध्यक्ष भरत लोकरे,महात्मा फुले समता परिषदेचे जिल्हा अध्यक्ष दशरथ फुले,फलटण तालुका अखिल भारतीय माळी समाज महासंघ तालुका अध्यक्ष अरविंद राऊत, प्रकाश भोंगळे,प्रमोद क्षीरसागर,भिकाजी सुर्यवंशी,सावता बनकर, राजेन्द्र भागवत, रूपेश नाळे, कोंडीबा राऊत,जयसिंग नाळे, बंडू अहिवळे, किशोर सरगर, प्रल्हाद शिंदे, राजकुमार देशमाने सुर्यकांत घनवट,मंगेश वेदपाठक,सामाजिक कार्यकर्ते अमिरखान मेटकरी,भगवान कर्वे ,प्रकाश चोरमले,मनोज आडके ,दिपक शिंदे, ज्योतीराम घनवट, निलेश चिंचकर बंडू शिंदे, उद्धव बोराटे आदी कार्यकर्ते उपस्थित होते. प्रारंभी महात्मा फुले यांच्या पुतळ्यास पुप्षहार घालून मोर्च्याने निवेदन देण्यात आले.
