वडूज :- खटाव तालुक्यातील वडूज नगरीचे माजी नगराध्यक्ष डॉ. महेश गुरव यांचे सुपुत्र व कुस्तीगीर क्षेत्रात नावलौकिक प्राप्त केलेले पै. सोहम महेश गुरव यांची सातारा जिल्हा फ्री स्टाईल १९ वर्षाखालील शालेय क्रीडा स्पर्धेमध्ये ९७ किलो वजनी गटात निवड झाली आहे. या निवडीबद्दल त्यांचा वडूज पंचायत समितीच्या आवारात सहाय्यक गट विकास अधिकारी श्रीकांत गोसावी यांच्या हस्ते सत्कार करण्यात आला.
वडूज नगरीमध्ये क्रीडा क्षेत्रात अनेक युवक- युवतींनी आपल्या चमकदार कामगिरीने खटाव तालुक्याचे नाव उज्वल केले आहे. विविध शासकीय सेवेमध्ये सर्वोच्च पदावर स्थान मिळवणाऱ्या खटाव-माण तालुक्यात आता क्रीडा क्षेत्रातही बाजी मारल्यामुळे पालक वर्गामध्ये समाधान व्यक्त होत आहे. भारताला पहिले ऑलिम्पिक पदक मिळवून देणारी कुस्तीगीर खाशाबा जाधव यांच्याच सातारा जिल्ह्यात पै. सोहम गुरव यांच्याकडून खूप मोठी आशा निर्माण झालेली आहे.
कष्ट परिश्रम व मेहनत याशिवाय कुस्तीगीर मध्ये पर्याय नाही. याची जाणीव असलेल्या पै. सोहम गुरव यांनी अल्पावधीमध्ये अनेक मैदान गाजवले आहे. तंत्रशुद्ध कुस्तीचे प्रशिक्षण घेण्यासाठी त्यांनी नामांकित तालमीमध्ये सराव सुरू केलेले आहे. औंध येथील राजा भगवंतराव पंतप्रतिनिधी हायस्कूलमध्ये ते सध्या शालेय शिक्षण घेत आहेत.
औंध येथील हायस्कूलचे क्रीडा शिक्षक निकम सर,पै रवि गायकवाड यांचे मार्गदर्शन लाभले आहे. खटावचे प्रभारी सहाय्यक गट विकास अधिकारी श्रीकांत गोसावी, डॉ.महेश गुरव,रामभाऊ जाधव,धनंजय चव्हाण, माजी सरपंच राजू फडतरे, पत्रकार शरद कदम,अजित जगताप, विजय शेटे, बंडा तथा विजय पवार,नामदेव मोरे, सचिन साठे, प्रमोद निंबाळकर, धनंजय चव्हाण, सतीश साठे,सौ रीना जावळे, तुकाराम खाडे यांच्या उपस्थितीत पै गुरव यांचा सत्कार करून त्यांना शुभेच्छा दिल्या आहेत.
