सातारा : मध्य कोकण पश्‍चिम महाराष्ट्राला आणि विशेषतःसातारा जिल्हयाला रेल्वे मार्गाने जोडण्याच्या नवीन 104 कि.मी. लोहमार्ग निर्माण करण्याच्या योजनेला संबंधीतांमध्ये जरुर ते करार साक्षांकित झाले, या रेल्वेमार्गांच्या निर्माणासाठी केंद्र आणि राज्य शासन आणि संबंधीत कंपनी यांच्या मधील आज झालेल्या करार-मदाराच्या कार्यक्रमास आम्ही स्वतः उपस्थित होतो, या करार नियोजनानुसार विहित वेळेत कालापव्यय न होता कराड-चिपळुण रेल्वे मार्गाचे काम जास्तीत जास्त वेगाने आणि दर्जेदारपणे मार्गी लावण्याबाबत आम्ही स्वतः लक्ष ठेवून आहोत अशी माहीती सातारा लोकसभा मतदार संघाचे खासदार श्रीमंत छत्रपती उदयनराजे भोसले यांनी मुंबईवरुन दिली.
राज्यशासन, केंद्र शासन आणि रेल्वे कंपनी यांच्या त्रिस्तरीय करारपत्रावर स्वाक्षरी करण्याचा समारंभ पार पडल्यावर, याबाबत माहीती देताना खासदार श्रीमंत छत्रपती उदयनराजे भंोसले यांनी दिलेल्या प्रसिध्दीपत्रकात नमुद केले आहे की, कोकणाला पश्‍चिम महाराष्ट्राशी रेल्वेने जोडण्याबाबत सर्वप्रथम आम्ही मागणी केली.कराड-चिपळुण हा रेल्वे मार्गच अन्य रेल्वे मार्गापेक्षा अधिक सोयीचा असल्याने, याबाबत आम्ही तत्कालीन रेल्वेमंत्री, तसेच राज्याने राज्याचा वाटा अंदाजपत्रकात तरतुद करुन उचलावा, यासाठी सातत्याने पाठपुरावा होता. रेल्वेमंत्री पदी ना. सुरेश प्रभु यांचेशी असलेला व्यक्तीगत जिव्हाळा, सातत्याचा पाठपुरावा, रेल्वे बोर्डाचे वेळोवेळी मिळालेले सहकार्य आणि सामुहिम प्रयत्न यामुळे आज हा सुवर्णक्षण आला आहे. लवकरच या मार्गाचे काम पुर्ण होण्याबाबत आम्ही कटाक्षाने लक्ष पुरवणार आहोत, त्यामुळे नजिकच्या काळात डोंगर-द-याखो-यातील पाटण तालुक्यासह कराड आणि सातारा जिल्हयासह पश्‍चिम महाराष्ट्रातील व्यापार उदीमास आणि प्रवाशांना अधिक सुसहय अशी रेल्वेसुविधा उपलब्ध होईल. या करार स्वाक्षर्‍यांच्या निमित्ताने रेल्वे मंत्री ना.सुरेश प्रभु यांचेशी पुणे ते मिरज डबल ट्रॅक सुविधेबाबत सकारात्मक चर्चा झाली असून, पुणे-मिरज दुहेरी लोहमार्ग तसेच या मार्गावरील इलेक्ट्रीक इंजिन वाहतुक कार्यान्वित करणे ही कामे प्राधान्याने होणेबाबत आम्ही प्रयत्नशील आहोत. कराड-चिपळुण नवीन रेल्वे मार्ग तसेच नियोजित पुणे-मिरज दुहेरी लोहमार्ग तसेच या मार्गावरील इलेक्ट्रीक इंजिन वाहतुक या करीता रेल्वे मंत्री ना. सुरेश प्रभु आणि राज्याचे मुख्य मंत्री ना.देवेंद्र फडणवीस यांचे मोलाचे सहकार्य मिळत आहे असेही खासदार श्रीमंत छत्रपती उदयनराजे भोसले यांनी नमुद केले आहे.
